Notendahlutverk

Á aðalvefjum HÍ (hi.is og english.hi.is) er stefnt að því að fækka verulega þeim sem hafa ritaðgang að vefnum. Það er gert vegna öryggis- og gæðamála.

Fjórar aðgangsstillingar eru í boði:

Stjórnandi/Administrator

Ætlaður vefforriturum, vefstjórum og starfsfólki Markaðs- og samskiptasviðs sem vinna við vefinn á hverjum degi.

Þessi aðgangsheimild getur gert allt sem er hægt að gera á vefnum.

Vefstjóri/Web editor

Ætlað vef- og kynningarstjórum fræðasviða.

Þessi aðgangur getur stofnað og breytt venjulegum síðum og fréttum á vefnum. Getur ekki búið til eða breytt námsleiðasíðum.

Ofurritari

Þessi aðgangur getur breytt öllum síðum og fréttum á vefnum en ekki búið til nýjar síður.

Vefritari/Basic editor

Þessi aðgangsheimild getur ekki búið til nýtt efni, en getur breytt síðum og fréttum ef viðkomandi notandi er skráður sem höfundur/eigandi síðunnar. Aðeins einn notandi í einu getur verið eigandi hverrar síðu.

Á stofnana- og sérvefjum eru þrenns konar notendastillingar:

Vefritarar

Vefritarar geta framkvæmt allar helstu aðgerðir sem eru í boði. Þetta hlutverk nægir flestum sem vinna á vefnum.

Stjórnendur

Stjórnendur hafa meiri réttindi. Notendur með þessa aðgangsheimild geta gert ýmislegt sem á ekki að þurfa að gera dags- daglega á vefnum. Til dæmis:

• Búa til og breyta forsiðu
• Setja upp vefform
• Stilla síðum upp í leiðakerfi
• Breyta upplýsingum í fæti vefsins
• og fleira.

Gert er ráð fyrir því að færri séu með stjórnendaaðgang.

Kerfisstjórar

Þessi aðgangur er aðeins fyrir forritara og tæknimenn.