Blokkir á stofnana- og sérvefjum

Almennt er ekki mælt með því að hafa sama efni á mörgum síðum, heldur frekar að tengja á milli síðna. Stundum er það þó nauðsynlegt, t.d. ef birta þarf tengiliðaupplýsingar, opnunartíma eða tenglalista. (Tenglalistinn hér hægra megin á síðunni er t.d. birtur með þessari einingu).

Block reference einingin hentar vel ef birta þarf sama texta á mörgum síðum. Þá er nóg að breyta textanum á einum stað. Breytingin flyst svo sjálfkrafa yfir á allar síður þar sem einingin er notuð.

Ný blokk

Til að búa til nýja textablokk sem á að birtast í þessari einingu er þetta aðferðin: (Hún er aðeins í boði fyrir notendur með stjórnendaheimild).

1. Veldu Uppbygging → Block Layout → Add custom block.
2. Í reitinn Lýsing á blokk á síðunni skrifar þú heiti eða fyrirsögn.
3. Í Meginmálinu á texti blokkarinnar að vera.
4. Mundu að vista í lokin.

Breyta blokk

Til að breyta blokk sem er til á vefnum er þetta aðferðin:

1. Veldu Uppbygging → Block Layout → Custom block library. Þá færðu lista yfir allar blokkir sem eru til.
2. Smelltu á heiti blokkarinnar sem þú vilt breyta.
3. Þá kemstu inn í textaritil þar sem þú getur unnið með textann.
4. Mundu að vista í lokin. Textinn breytist þá á öllum síðum þar sem þessi blokk er notuð.

Birta blokk á síðu

Til að birta blokkina á venjulegri síðu ferð þú þannig að:

1. Býrð til nýja einingu. (Add paragraph)
2. Velur Block reference. Þú getur líka valið eininguna Two columns og smellt á hnappinn Bæta við Block reference.
3. Í valmyndinni sem birtist finnur þú liðinn Sérsniðið (eða Custom). Þar undir velur þú heitið á blokkinni sem þú vilt birta.

Það er hægt að birta fréttayfirlit á hvaða síðu sem er.

Svona er farið að því:

1. Bættu Block reference einingu við síðuna.
2. Í valmyndinni, undir hlutanum Lists (Views) velur þú News teaser.
3. Í valmyndinni Items per block velur þú hversu margar fréttir eiga að birtast yfirlitinu. Þær geta verið allt að 48.
4. Ef fyrirsögnin yfir fréttasafninu á að vera önnur en News: Hakaðu við boxið Override title.
5. Skrifaðu fyrirsögn í reitinn Title.

Hér birtast fréttirnar í fjórum dálkum.

Það er líka hægt að birta fréttayfirlit í tveimur dálkum. Þá velur þú möguleikann News compact í skrefi 2 hér fyrir ofan. Að öðru leyti eru skrefin eins.

Fyrir neðan fréttayfirlit er oft birtur tengill eða hnappur sem vísar í fleiri fréttir, eða allar fréttir á vefnum. Slóð fréttayfirlitssíðunnar er /frettir aftan við aðalslóð vefsins. Dæmi:

• https://mhi.hi.is/frettir
• https://fel.hi.is/frettir
• https://menntavisindastofnun.hi.is/frettir

Þá er sett upp textaeining fyrir neðan fréttayfirlitið. Í hana er settur tengill eða hnappur sem heitir t.d. Fleiri fréttir eða Fréttasafn. Sjá leiðbeiningar um tengla.

Það er hægt að birta viðburðayfirlit á hvaða síðu sem er. Á viðburðayfirliti birtast viðburðir sem eru framundan.

Svona er farið að því:

1. Bættu Block reference einingu við síðuna.
2. Í valmyndinnni, undir hlutanum Lists (Views) velur þú All events and courses.
3. Í valmyndinni Items per block velur þú hversu margir viðburðir eiga að birtast í yfirlitinu. Þeir geta verið allt að 48.
4. Ef fyrirsögnin yfir viðburðayfirlitinu á að vera önnur en Events and courses: Hakaðu við boxið Override title.
5. Skrifaðu fyrirsögn í reitinn Title.

Öfugt við fréttayfirlit birtast ekki myndir með viðburðayfirlitinu.

Þegar lokadagsetning viðburðarins er liðin hverfur hann af yfirlitinu. Hann færist í staðinn yfir á yfirlitssíðu yfir liðna viðburði. Slóðin að henni er /eldri_vidburdir aftan við aðalslóðina. Dæmi:

• https://vigdiscentre.hi.is/is/eldri_vidburdir
• https://jardvis.hi.is/is/eldri_vidburdir
• https://svf.hi.is/is/eldri_vidburdir

Það er ekki hægt að birta yfirlit yfir liðna viðburði annarsstaðar en á þessari síðu.

Í viðburðadagatali er hægt að fletta í dagatali fram og aftur í tímann til að skoða alla viðburði sem eru til á vefnum.

Í dagatalinu er hægt að sjá yfirlit yfir dag, viku eða mánuð.

Svona er viðburðadagatali bætt við síðu:

1. Bættu Block reference einingu við síðuna.
2. Í valmyndinnni, undir hlutanum Lists (Views) velur þú Event calendar.
3. Merktu við reitinn Display title ef þú vilt birta fyrirsögn yfir dagatalinu.
4. Það þarf engu að breyta í valmyndinni Items per block.
5. Ef fyrirsögnin yfir viðburðayfirlitinu á að vera önnur en Events calendar: Hakaðu við boxið Override title.
6. Skrifaðu fyrirsögn í reitinn Title.

Með blokkinni er hægt að birta leitarglugga á hvaða síðu sem er. Þessi leitargluggi leitar að efni á öllum vefnum, eins og stækkunaglerið efst í hægra horninu:

1. Bættu Block reference einingu við síðuna.
2. Í valmyndinnni, undir hlutanum Lists (Views) velur þú Search icelandic eða Search english, eftir því á hvaða tungumáli vefurinn er.
3. Merktu við reitinn Display title ef þú vilt birta fyrirsögn yfir leitarglugganum.
4. Það þarf engu að breyta í valmyndinni Items per block.
5. Ef fyrirsögnin yfir leitarglugganum á að vera önnur en Search icelandic (eða english): Hakaðu við boxið Override title.
6. Skrifaðu fyrirsögn í reitinn Title.

Neðst á hverri síðu birtast sjálfkrafa deilingarhnappar fyrir Twitter (nú X) og Facebook.

Ef þú vilt bæta deilingum á fleiri samfélagsmiðla er það í boði. Þarna er líka í boði að gefa kost á að prenta síðuna og að senda hana með tölvupósti:

1. Bættu Block reference einingu við síðuna.
2. Í valmyndinni, undir hlutanum Blokkir velur þú Shariff share buttons.
3. Skrifaðu fyrirsögn í reitinn Title og merktu við reitinn Display title ef þú vilt sýna fyrirsögnina.
4. Afmerktu við reitinn Use Shariff default settings.
5. Merktu við samfélagsmiðla sem þú vilt gefa möguleika á deilingu.
6. Neðar eru svo ýmsir möguleikar á útlitsstillingu fyrir hnappana.

Það er hægt að birta vefform með þessari einingu. Formið verður að vera til á vefnum áður en því er bætt við á síðuna.

Sjá leiðbeiningar um uppsetningu vefforma.

Þegar einingunni hefur verið bætt við velur þú Vefform í fellilistanum. Að því loknu skrifar þú nafn formsins sem þú vilt birta.