Einingar (Paragraphs, Sections) eru byggingarefni síðunnar. Þeim má líkja við Lego-kubba. Við tökum kubbana upp úr kassanum sem við þurfum að nota en sleppum þeim sem við þurfum ekki að nota.
Þegar búið er að stofna síðu er hægt að bæta einingum við hana.
Nýrri efniseiningu er bætt við síðu með því að smella á hnappinn Add Paragraph eða Add section, eftir því hvort unnið er á stofnana- og sérvefjum eða aðalvefjum HÍ.
Hver efniseining hefur sitt hlutverk. Þær eru mismunandi eftir því hvort unnið er á aðalvefjum eða stofnana- og sérvefjum
Á efniseiningum, bæði á aðalvef HÍ og stofnana-/sérvefjum eru stillingamöguleikar sem eru eins allsstaðar:
Þema (Theme) stjórnar lit einingarinnar:
- Engin (None): Hvítur bakgrunnur
- Light: Ljósblár bakgrunnur
Top Spacing og Bottom Spacing: stjórna því hversu mikið bil eða autt pláss er fyrir ofan og neðan efniseininguna. Hér er um þrennt að velja:
- Engin (None): Lítið/ekkert bil
- Lítið (Small): Miðlungsbil
- Stórt (Large): Mikið bil
Width: Stjórnar breiddinni á efniseiningunni. Hér eru fjórar stillingar í boði. Sýnishorn eru neðar á síðunni:
- Full screen
- Wide width (almennt á efni að vera í þessari breidd).
- Content width
- Text width
Einingar í boði á aðalvefjum HÍ
Efniseiningar í boði á stofnana- og sérvefjum
Einingar færðar til
Þegar búið er að bæta einingum við síðuna er einfalt að draga þær upp og niður með músinni, eftir því hvar þú vilt að hún sé staðsett á síðunni. (Drag-n-drop-möguleikinn).
Smellt er á þetta tákn til að draga einingarnar:
Einingar afritaðar eða fjarlægðar
Með því að smella á þrípunktinn lengst hægra megin birtist val um að afrita viðkomandi efniseiningu (duplicate) eða fjarlægja hana (remove).
Einingar faldar eða birtar
Neðst í stillingum á hverri einingu er möguleikinn Birt (eða Published). Með því að afmerkja við hann er hægt að fela eininguna. Þá er bara þessi ákveðna eining falin, en ekki öll síðan.
Þetta kemur sér vel ef þú ert að vinna með nýja efniseiningu sem er ekki tilbúin til birtingar. Eða ef efnið þarf ekki að vera sýnilegt nema í ákveðinn tíma. Þá er hægt að vista síðuna án þess að breytingarnar verði sýnilegar öðrum en þeim sem eru skráð inn í Drupal.
Þegar eining er falin sést hún bara þegar við erum skráð inn í Drupal og verður bleik á litinn.
Þú getur þá haldið áfram að breyta efninu síðar. Þegar einingin er tilbúin til birtingar merkir þú við Birt (eða Published)-möguleikan (gerir takkann grænan) og vistar síðuna.
Hér eru sýnishorn af breiddum á efniseiningum:
Full screen
Mörður hét maður er kallaður var gígja. Hann var sonur Sighvats hins rauða. Hann bjó á Velli á Rangárvöllum. Hann var ríkur höfðingi og málafylgjumaður mikill og svo mikill lögmaður að engir þóttu löglegir dómar dæmdir nema hann væri við. Hann átti dóttur eina er Unnur hét. Hún var væn kona og kurteis og vel að sér og þótti sá bestur kostur á Rangárvöllum.
Wide width
Nú víkur sögunni vestur til Breiðafjarðardala. Maður er nefndur Höskuldur. Hann var Dala-Kollsson. Móðir hans hét Þorgerður og var dóttir Þorsteins hins rauða, Ólafssonar hins hvíta, Ingjaldssonar, Helgasonar. Móðir Ingjalds var Þóra, dóttir Sigurðar orms í auga, Ragnarssonar loðbrókar. Unnur hin djúpúðga var móðir Þorsteins rauðs, dóttir Ketils flatnefs, Bjarnarsonar bunu. Höskuldur bjó á Höskuldsstöðum í Laxárdal.
Content width
Hrútur hét bróðir hans. Hann bjó á Hrútsstöðum. Hann var sammæður við Höskuld. Faðir hans var Herjólfur. Hrútur var vænn maður, mikill og sterkur, vígur vel og hógvær í skapi, manna vitrastur, hagráður við vini sína en tillagagóður hinna stærri mála.
Text width
Það var einu hverju sinni að Höskuldur hafði vinaboð og þar var Hrútur bróðir hans og sat hið næsta honum. Höskuldur átti sér dóttur er Hallgerður hét. Hún lék sér á gólfi við aðrar meyjar. Hún var fríð sýnum og mikil vexti og hárið svo fagurt sem silki og svo mikið að það tók ofan á belti.